Ապստամբություն Սուխումում. ցուցարարները գրավել են «կառավարական համալիրը»

Ընդդիմության ներկայացուցիչները մտել են Աբխազիայի «նախագահի» վարչակազմի շենք, ներսում կարգուկանոն ապահովող ուժայիններն սկսել են լքել այն, հայտնում է ՏԱՍՍ-ը։

Ցուցարարները վերահսկողության տակ են վերցրել շենքը։ Քիչ անց նրանց հաջողվել է վերահսկողության տակ վերցնել կառավարական շենքերի ողջ համալիրը՝ ներառյալ «նախագահական վարչակազմի», հանրապետության «Նախարարների կաբինետի» և «խորհրդարանի» շենքերը։

Ընդդիմությունը պահանջում է չեղարկել ռուս ներդրողներին նախապատվություններ տալու մասին՝ Ռուսաստանի հետ ներդրումային համաձայնագրի վավերացման օրինագիծը: