Երկուշաբթի, 20 հոկտեմբերի, 2025 թ.
|
Ստեփանակերտում`   +12 °C

«Ուկրաինան կարող է լինել ԵՄ-ի մաս, բայց չի կարող լինել ՆԱՏՕ-ի անդամ». Ռոբերտ Ֆիցո

«Ուկրաինան կարող է լինել ԵՄ-ի մաս, բայց չի կարող լինել ՆԱՏՕ-ի անդամ». Ռոբերտ Ֆիցո
1722
Ուրբաթ, 15 նոյեմբերի, 2024 թ., 23:30

Սլովակիայի վարչապետ Ֆիցոն հայտարարել է, որ կդիմադրի ՆԱՏՕ-ին Ուկրաինայի անդամակցությանը, քանի դեռ պաշտոնավարում է։ Այս մասին նա ասել է չինական հեռուստատեսությանը տված հարցազրույցում:
Ռոբերտ Ֆիցոն դեմ է արտահայտվել Ռուսաստանի դեմ միջազգային պատժամիջոցներին, ինչի հետ համաձայն չէ նաև Պեկինը։ Սլովակիայի վարչապետը փաստացի մեղադրել է նաև արևմտյան երկրներին Ուկրաինայում բռնկված պատերազմի համար։

Ֆիցոն ասել է, որ աջակցում է Ուկրաինային մարդասիրական և տնտեսական օգնությանը և հայտարարել է ԵՄ-ին Ուկրաինայի անդամակցության ցանկալիության մասին, սակայն դեմ է լինելու Ուկրաինայի անդամակցությանը ՆԱՏՕ-ին՝ բացատրելով, որ դա կարող է հանգեցնել «երրորդ համաշխարհային պատերազմի բռնկման»:

Վարչապետն ասել է, որ քանի դեռ ինքը մնում է Սլովակիայի վարչապետը, դեմ է լինելու Ուկրաինայի՝ դաշինքին անդամակցելուն։ «Ուկրաինան կարող է լինել ԵՄ-ի մաս, բայց ընդհանրապես չի կարող լինել ՆԱՏՕ-ի անդամ»,- ընդգծել է Ռոբերտ Ֆիցոն։