«Հիանալի թիմ ենք հանել առաջնությանը մասնակցելու, հաղթում ենք և ապացուցում»․ Կարեն Գիլոյան

925

Չորեքշաբթի, 20 նոյեմբերի, 2024 թ., 20:42

Ըմբշամարտի զինվորականների աշխարհի 37-րդ առաջնությունը Հայաստանի պաշտպանության նախարարությանը վստահել է Բանակային սպորտի համաշխարհային միությունը, նշանակում է, այս մրցույթն ամբողջովին իրենց տիրույթում է և իրենք են պատասխանատու: Ինչ կանոնակարգ է սահմանված՝ միայն իրենց իրավասության դաշտում է, իրենք են որոշում: Այս մասին լրագրողների հետ զրույցում ասաց ԿԳՄՍ փոխնախարար Կարեն Գիլոյանը՝ պատասխանելով հարցին, թե ինչու զինծառայության մեջ գտնվող ուժեղագույն մարզիկները չընդգրկվեցին այս առաջնությունում:

«Բանակային սպորտի համաշխարհային միության որոշումից ելնելով էլ բանակն է որոշում կազմը և փառք Աստծո, արդեն տեսնում ենք, ինչ վառ մասնակցություն են ունենում մեր մարզիկները:

Ուժեղագույն իրենց կազմը, գուցե, հենց սա էր, և սա էր, ըստ կանոնակարգի, թույլատրված կազմը, որով կարող էին մասնակցել: Էդպես իրենք են որոշել:

ԿԳՄՍՆ-ն այս առաջնությանը ուղղակի սատարում է, որպեսզի այն բարձր մակարդակով անցնի և ՀՀ-ի պատիվը բարձր պահենք աշխարհում:

Մնացած բոլոր հարցերի իրավասությունը ՊՆ դաշտում են, իրենք են որոշել կազմը, որը պետք է բարձր պահի ՀՀ պատիվը, և եզրափակչի 4 մասնակիցների արդյունքները դրա վկայությունն է, որ ճիշտ որոշում են կայացրել»,- նշեց Գիլոյանը՝ հավելելով՝ մենք հիանալի թիմ ենք հանել այս առաջնությանը մասնակցելու, մենք հաղթում ենք և ապացուցում, որ շատ ուժեղ ենք։