Ուրբաթ, 13 մարտի, 2026 թ.
|
Ստեփանակերտում`   +3 °C

Ուկրաինան շուտով կարող է կորցնել ևս 2 քաղաք

Ուկրաինան շուտով կարող է կորցնել ևս 2 քաղաք
1823
Ուրբաթ, 13 դեկտեմբերի, 2024 թ., 18:01

Ուկրաինան շուտով կարող է կորցնել Դոնեցկի մարզում գտնվող Պոկրովսկն ու Կուրախովոն քաղաքները ռուսական զորքերի գրոհի հետևանքով, գրում է Bild-ի խմբագիր Քրիստոֆեր Բուլը։

Ըստ ուկրաինացի զինվորական դիտորդների՝ Ուկրաինայի զինված ուժերը Կուրախովոյից հարավ շրջապատման վտանգի տակ են։ Կիևի գլխավոր շտաբը հայտնում է, որ այդ տարածքում թեժ մարտեր են ընթանում, սակայն մարտերի մասին ավելի կոնկրետ տեղեկություններ չեն հաղորդում:

45 կմ դեպի հյուսիս՝ Պոկրովսկում, իրավիճակն էլ ավելի դրամատիկ է։ Ուկրաինական զորքերը վերջերս հայտնել են քաղաքի ծայրամասերում մի քանի դիրքեր կորցնելու մասին: Ըստ ռուսամետ բլոգեր Յուրի Պոդոլյակայի՝ ռուսական զորքերը գտնվում են արդեն 1,5 կմ հեռավորության վրա, իսկ բուն քաղաքում գործում են ռուսական դիվերսիոն-հետախուզական ստորաբաժանումներ։

Պոկրովսկի անկումը (ուկրաինական զինված ուժերի հիմնական նյութատեխնիկական հանգույցը) կլինի Կիևի ամենալուրջ պարտություններից մեկը վերջին ամիսներին: Դրա գրավումը ռուսական զորքերին թույլ կտա խափանել հակառակորդի մատակարարման գծերը և շարունակել հարձակումը։