Ասադի բանակը փախել է բարոյալքվածության և կոռուպցիայի պատճառով. Reuters

1854

Ուրբաթ, 13 դեկտեմբերի, 2024 թ., 20:25

Reuters-ը հայտնում է, որ զրուցել է սիրիական արաբական բանակի տասնյակ նախկին զինվորների հետ, ովքեր նկարագրել են նախկին նախագահ Բաշար ալ Ասադի ուժերի նահանջը։ Բանակը փախել է նախքան հակակառավարական խմբավորումների կոալիցիայի առաջխաղացումը բարոյալքվածության, ինչպես նաև կոռուպցիայի և գործողությունների հստակ ծրագրերի բացակայության պատճառով, հայտնում են գործակալության աղբյուրները:
Քանի որ իսլամիստներն առաջ են շարժվել դեպի Հալեպ, կառավարական ուժերին հրահանգ է տրվել կա՛մ մշակել իրենց գործողությունների ծրագիրը, կա՛մ նահանջել Հոմս, ասել են երկու աղբյուրներ: Արդյունքում Հալեպը գրոհի մեկնարկից երկու օր անց անցել է խմբավորումների վերահսկողության տակ։

Պնդվում է նաև, որ սիրիական բանակի բազմաթիվ ստորաբաժանումներ թերբեռնված են եղել։ Աղբյուրները հայտնել են, որ սպաները կաշառքի դիմաց ազատել են իրենց ենթականերին, ինչպես նաև վերցրել են նրանց աշխատավարձերը, գրում է «Կոմերսանտ»-ը։

Ավելի վաղ նախագահ Ասադը լքել էր երկիրը և 24 տարվա ղեկավարումից հետո ժամանել Ռուսաստան։ Դեկտեմբերի 10-ից Սիրիայում ղեկավարում է անցումային կառավարությունը։