Իսրայելը կրկին ավիահարվածներ է հասցրել Եմենին.  #Al Masirah

Եմենում իսրայելական ավիահարվածների հետևանքով առնվազն ինը մարդ է զոհվել։ Այս մասին հայտնում է Եմենի Անսար Ալլահ շարժման հութի ապստամբների կողմից վերահսկվող Al Masirah հեռուստաալիքը։
Ըստ աղբյուրի՝ Էս Սալիֆ նավահանգստում ավիահարվածի ժամանակ յոթ մարդ է զոհվել։ Եվս երկուսը զոհվել են Ալ Հոդեյդա նահանգի Ռաս Իսա շրջանում նավթային օբյեկտի վրա ավիահարվածների հետևանքով։
Ավելի վաղ նույն հեռուստաալիքը հայտնել էր, որ ռմբակոծվել են Սանայում գտնվող երկու կենտրոնական էլեկտրակայաններ։
Ըստ իսրայելական բանակի մամուլի ծառայության՝ «Իսրայելի ռազմաօդային ուժերի կործանիչները հարվածներ են հասցրել հութի ահաբեկչական ռեժիմին պատկանող ռազմական օբյեկտներին՝ Եմենի արևմտյան ափին և նրա տարածքի խորքերում»։
Հիշեցնենք, որ իսրայելացի զինվորականները հայտարարել էին, որ որսացել են Եմենից արձակված հրթիռ։ Իսրայելը բազմիցս զգուշացրել էր, որ մտադիր չէ անպատասխան թողնել իր տարածքի շարունակվող գնդակոծությունները։