«Եվրոմիությունն արդեն 130 միլիարդ եվրո է ծախսել Ուկրաինայի վրա»․ Ուրսուլա ֆոն դեր Լեյեն

Եվրոհանձնաժողովի ղեկավար Ուրսուլա ֆոն դեր Լեյենը պնդում է, որ ԵՄ-ն Ուկրաինային մատակարարել է սպառազինությունների 47%-ը, իսկ ԱՄՆ-ն՝ ընդամենը 40%-ը։ Այս մասին նա հայտարարել է ԵՄ գագաթնաժողովին հաջորդած մամուլի ասուլիսում։
«Ռազմական տեսանկյունից ԵՄ-ն Ուկրաինային մատակարարել է զենքի մոտավորապես 47%-ը, մեր ամերիկացի գործընկերները՝ 40%, ասել է նա՝ պատասխանելով լրագրողների հարցին, թե ինչու է Զելենսկին պնդում ԱՄՆ-ից անվտանգության երաշխիքներ ստանալու անհրհրաժեշտության մասին՝ բոլոր եվրոպական երաշխիքները միասին անվանելով անբավարար, և արդյոք դա չի՞ վկայում Եվրոմիության ռազմավարական թուլության մասին։
Նրա խոսքով՝ ԵՄ-ն նաև արդեն 130 միլիարդ եվրո է ծախսել Ուկրաինայի վրա և պատրաստ է հաջորդ տարի հատկացնել 30,6 միլիարդ եվրո միայն բյուջետային ֆինանսական օգնության համար՝ չհաշված զենքի մատակարարումները։
Ավելի վաղ ՆԱՏՕ-ի գլխավոր քարտուղար Մարկ Ռյուտեն հայտարարել էր, որ ողջ սպառազինության 98%-ը Կիևին մատակարարվել է ՆԱՏՕ-ի երկրների կողմից։