Լիբանանը սիրիացի դասալիք սպաներին հանձնել է Սիրիայի նոր իշխանություններին

1312

Շաբաթ, 28 դեկտեմբերի, 2024 թ., 23:49

Լիբանանյան բանակը Դամասկոսին է հանձնել շուրջ 70 սիրիացի զինվորականների, այդ թվում՝ սպաների, ովքեր լքել են երկիրը Սիրիայի նախկին նախագահ Բաշար ալ Ասադի տապալումից հետո։

Այս մասին հայտնում է Reuters-ը՝ հղում անելով լիբանանյան հետախուզական ծառայություններին։ Վերադարձվածները ձերբակալվել են Սիրիայի սահմանը հատելուց անմիջապես հետո։ Մարդու իրավունքների սիրիական դիտորդական կենտրոնի տվյալներով՝ ձերբակալվածներին երեք ավտոբուսներով տեղափոխել են սիրիական տարածք՝ լիբանանյան բանակի հետախուզության աշխատակիցների և անվտանգության ծառայության աշխատակիցների ուղեկցությամբ։