Դամասկոսում նախատեսվում է ազգային համաժողով, որտեղ կքննարկվի Սիրիայի ապագան

Թուրքական AHaber հեռուստաալիքի փոխանցմամբ՝ հունվարի 4-5-ը Դամասկոսում նախատեսվում է ազգային համաժողով, որտեղ կքննարկվի Սիրիայի ապագան։
«Հունվարի չորրորդ կամ հինգերորդ օրը Դամասկոսում տեղի կունենա Սիրիայի ազգային համաժողովը, որտեղ կքննարկվեն սահմանադրական և մի շարք վարչական հարցեր։ Համաժողովին ներկայացված կլինեն հասարակության բոլոր շերտերը, բոլոր կրոնական շարժումները։ Հրավիրված են շուրջ 1200 հոգի՝ Սիրիայից և այլ երկրներից»,- հաղորդում է հեռուստաալիքը: