Չինական ապրանքանիշերը գրավել են ռուսական ավտոշուկայի գրեթե 70%-ը

16751

Չորեքշաբթի, 01 հունվարի, 2025 թ., 21:30

Միայն 2024 թվականի 11 ամիսների արդյունքներով՝ չինական ապրանքանիշերի մասնաբաժինը մարդատար նոր ավտոմեքենաների ռուսական շուկայում հասել է 60%-ի, հայտնում է Коммерсантъ-ը՝ հղում անելով Avtostat-ի վերլուծությանը։

Համեմատության համար նշենք, որ 2022 թվականի սկզբին, մինչ հակառուսական պատժամիջոցների խստացումը, չինական ավտոմոբիլային ապրանքանիշերը Ռուսաստանի Դաշնությունում զբաղեցնում էին 10% բաժնեմաս։

2024 թվականի հունվար-նոյեմբերին Ռուսաստանի Դաշնությունում չինական նոր մարդատար ավտոմեքենաների վաճառքը կազմել է 848 հազար միավոր։

Ռուսաստանն ամրապնդել է չինական ավտոարդյունաբերության ամենամեծ շուկայի իր կարգավիճակը։

Ռուսական ավտոդիլերների ասոցիացիայի (ROAD) տվյալներով, ներկայում Ռուսաստանի Դաշնությունում պաշտոնապես ներկայացված են Չինաստանից ավտոմեքենաների 60 ապրանքանիշեր, իսկ մյուս մասը ներմուծվում է ներմուծման այլընտրանքային ուղիներով։

Ըստ Rolf դիլերային հոլդինգի գլխավոր տնօրենի տեղակալ Սվետլանա Վինոգրադովայի, առանց արևմտյան կոնցեռնների ռուսական շուկայից հեռանալու, չինական ապրանքանիշերը դժվար թե կարողանան զբաղեցնել շուկայի ներկայիս 60%-ը։