Ուկրաինան էլեկտրաէներգիա կմատակարարի Մոլդովային

Հինգշաբթի՝ հունվարի 2-ի գիշերը, ուկրաինական Energoatom-ը Մոլդովային կտրամադրի էլեկտրաէներգիա, որն անհրաժեշտ է դեֆիցիտը լրացնելու համար, հայտնում է NewsMaker-ը՝ մոլդովական Energocom-ին հղումով։

«Մենք լրացուցիչ էլեկտրաէներգիա կգնենք ուկրաինական «Էներգոատոմից» գիշերը, երբ մեր գործընկերներն ավելորդ էներգիա ունենան և կարողանան այն արտահանել»,- հայտնել է Energocom-ը:

Հիշեցնենք, որ Մոլդովայում դեկտեմբերի 16-ին արտակարգ դրություն էր մտցվել էներգետիկ ճգնաժամի պատճառով: Այս միջոցը պայմանավորված էր նրանով, որ Ուկրաինան նախատեսում է դադարեցնել ռուսական գազի տարանցումը Եվրոպա, իսկ Մոլդովան՝ որպես Արևելյան Եվրոպայի երկիր, կախված է այդ տարանցումից։