Շաբաթ, 26 սեպտեմբերի, 2026 թ.
|
Ստեփանակերտում`   +15 °C

Դանիայի իշխանությունները մտադիր են Թրամփի հետ քննարկել Գրենլանդիայում ԱՄՆ-ի ռազմական ներկայության ընդլայնումը

Դանիայի իշխանությունները մտադիր են Թրամփի հետ քննարկել Գրենլանդիայում ԱՄՆ-ի ռազմական ներկայության ընդլայնումը
1138
Կիրակի, 12 հունվարի, 2025 թ., 00:14

Axios հարթակը, վկայակոչելով աղբյուրներին, պնդում է, որ Դանիայի իշխանությունները Դոնալդ Թրամփի շրջապատին ասել են, որ պատրաստ են ԱՄՆ-ի նախագահական ընտրություններում հաղթողի հետ քննարկել Գրենլանդիայում ամերիկյան ռազմական ներկայության ընդլայնումը։
Կոպենհագենը ծրագրում է համոզել Թրամփին, որ ԱՄՆ-ն կարիք չունի Գրենլանդիայի նկատմամբ հավակնություններ ներկայացնելու, որպեսզի վերացնի նորընտիր նախագահի մտահոգություններն անվտանգության հետ կապված:

ԱՄՆ-ի նախագահական ընտրություններում հաղթած Դոնալդ Թրամփը 2024 թվականի դեկտեմբերին Գրենլանդիայի անեքսիան անվանեց «բացարձակ անհրաժեշտություն»՝ մեկնաբանելով գործարար Քեն Հովերիին Դանիայում ԱՄՆ դեսպան նշանակելու որոշումը։ Ավելի ուշ Թրամփը հստակ պատասխան չտվեց այն հարցին, թե բացառո՞ւմ է արդյոք Գրենլանդիայի՝ ԱՄՆ-ին ռազմական ճանապարհով կցելու հնարավորությունը։