Ուկրաինան պայթեցրել է իր ամենամեծ հանքը, որպեսզի այն չընկնի ռուսների ձեռքը

Պոկրովսկի մոտակայքում գտնվող «Մետինվեստ» ածխի հանքը, որն ամենամեծն էր Ուկրաինայում և ապահովում էր երկրի պողպատաձուլական արդյունաբերության կեսը, դադարել է գոյություն ունենալ: Հանքափորներն այն պայթեցրել են մոտեցող ռուսական բանակի պատճառով։

Այս մասին հայտնում է The New York Times-ը՝ վկայակոչելով հանքի աշխատողներին։

Պայթյունը տեղի է ունեցել 2024 թվականի դեկտեմբերի 20-ին, երբ ռուսական բանակը եղել է հանքից 1,5 կմ հեռավորության վրա։ Լուրջ վտանգ է եղել, որ հակառակորդը ստորգետնյա թունելներով կներթափանցի Ուկրաինայի պաշտպանության ուժերի թիկունք։ Ուկրաինայի զինված ուժերի զինվորներն ու հանքափորները պայթուցիկ են տեղադրել Պեշանոյե գյուղի մոտ գտնվող հանքի մուտքի մոտ։ «Ամեն ինչ փլուզվեց, և այժմ այստեղ քարից բացի այլ բան չկա»,- ասել է հանքափոր Անտոն Տելեգինը։