Երկուշաբթի, 15 հունիսի, 2026 թ.
|
Ստեփանակերտում`   +22 °C

«Մեջքիս վնասվածքի պատճառով UFC 311-ից դուրս գալու լուրը ճիշտ է»․ Արման Ծառուկյան

«Մեջքիս վնասվածքի պատճառով UFC 311-ից դուրս գալու լուրը ճիշտ է»․ Արման Ծառուկյան
1761
Շաբաթ, 18 հունվարի, 2025 թ., 10:06

Խառը մենամարտերի թեթև քաշային կարգում UFC դասակարգման առաջատար Արման Ծառուկյանը ինսթագրամյան գրառմամբ հաստատել է լուրը, որ Իսլամ Մախաչևի դեմ հունվարի 19-ին Լոս Անջելեսում կայանալիք մենամարտից հրաժարվել է։

Նրանք պետք է մենամարտեին UFC 311 մրցաշարում։

«Ցավով պետք է տեղեկացնեմ, որ UFC 311-ից մեջքի վնասվածքի պատճառով դուրս գալու լուրը ճիշտ է։ Սա իմ կարիերայի ընթացքում ընդունած ամենադժվար որոշումն էր։ Ուզում եմ շնորհակալություն հայտնել UFC-ին՝ ըմբռնման համար, և ես անհամբերությամբ սպասում եմ իմ առաջին UFC չեմպիոնական մենամարտին ապագայում։ Շնորհակալություն բոլորիդ աջակցության համար»,- գրել է Ծառուկյանը։
Մախաչևի նոր մրցակիցը կլինի բրազիլացի Ռենատո Մոիկանոն։