Բայդենը ներում է շնորհել նրանց, որոնց Թրամփն սպառնում էր քրեական հետապնդմամբ

ԱՄՆ-ի նախագահ Ջո Բայդենը կանխարգելիչ կերպով ներում է շնորհել Ներկայացուցիչների պալատի հանձնաժողովի անդամներին, որոնք հետաքննում են հունվարի 6-ին Կապիտոլիումի գրոհը, հայտնում է Associated Press-ը։ Ներման արժանացածների թվում էին նաև Միացյալ շտաբի պետերի նախկին նախագահ գեներալ Մարկ Միլին և Ալերգիայի և վարակիչ հիվանդությունների ազգային ինստիտուտի նախկին տնօրեն Էնթոնի Ֆաուչին:
«Այդ ներումների շնորհումը չպետք է ընդունվի՝ որպես խոստովանություն, որ ինչ-որ մեկը կատարել է որևէ օրինազանցություն, ինչպես նաև չպետք է ընդունվի՝ որպես մեղքի ընդունում որևէ հանցագործության համար,- ասվում է Բայդենի հայտարարության մեջ,- մեր երկիրը պարտական է այս պետական ծառայողներին մեր երկրին անխոնջ նվիրումի համար»։
Ինչպես նշում է գործակալությունը, այս որոշումը կայացվել է ԱՄՆ-ի նորընտիր նախագահ Դոնալդ Թրամփի հնարավոր «վրեժը» կանխելու համար։ Պաշտոնապես ներվածներին մեղադրանք չի առաջադրվել։
Ներվածների թվում են Միլին, ով Թրամփին անվանել է «ֆաշիստ», Ֆաուչին, ով հարուցել է հանրապետականների զայրույթը, քանի որ հրաժարվել է նրան սատարել հակաքովիդային միջոցները քննադատելուց հետո, նախկին հանրապետական քոնգրեսականներ Լիզ Չեյնին և Ադամ Քինզինգերը, ինչպես նաև Քափիթոլիումի և Քոլումբիայի շրջանի ոստիկանները, որոնք ցուցմունք են տվել հարձակման գործով, հայտնում է Associated Press-ը։
Իր նախընտրական հանրահավաքներում Թրամփը սպառնացել է պատասխանատվության ենթարկել ԱՄՆ-ի «ներքին թշնամիներին»: «Խենթ ֆանատիկոսները, որոնց մենք ունենք, ֆաշիստները, մարքսիստները, կոմունիստները, մարդիկ, որոնք իրականում ղեկավարում են երկիրը, ավելի վտանգավոր են, քան Ռուսաստանը, Չինաստանը և այլ երկրներ»,- ասել էր Թրամփը:
Ինչպես գրել է Politico-ն, հանրապետականի «թշնամիների ցուցակում» են եղել փոխնախագահ Քամալա Հարիսը, ԱՄՆ-ի ներկայիս առաջնորդ Ջո Բայդենը, 44-րդ նախագահ Բարաք Օբաման, նախկին պետքարտուղար Հիլարի Քլինթոնը, «Մեթա»-ի ղեկավար Մարկ Ցուկերբերգը և այլք։

«Հայաստանը որևէ հիդրո ծրագիր իրականացնելիս պետք է հաշվի առնի նաև հարևանի շահերն ու հետաքրքրություննները». Թաթուլ Հակոբյան
107Երեկ, 20:30
«Եռակողմ բանակցությունների ընդլայնման հարցը Ռուսաստանի հետ չի համաձայնեցվել». Ուշակով
181Երեկ, 19:49
«Ոնց որ կորցրել ա բանանը․ ես հոգեբույժ չեմ, չեմ կարող պատասխանել»․ Էդգար Ղազարյան (տեսանյութ)
126Երեկ, 17:36
«Իր գազի կալոնկայի տեղը կարող ա ինքը գիտի, իմի տեղը որ ցույց տա՝ ուրախ կլինեմ»․ Էդգար Ղազարյան (տեսանյութ)
133Երեկ, 17:30
«Ցանկացած մեկը, ով կպնում է ընտանիքին, պետք իմանա, որ պատասխան տալու է»․ Արա Պողոսյան (տեսանյութ)
106Երեկ, 17:24
«Պուտինի, Թրամփի և Սի Ծինփինի հանդիպումը տեղի կունենա առանց նախապես համաձայնեցված օրակարգի»․ #FT
253Երեկ, 17:13
«Եթե էս ռոբոտին ուղարկենք բանակցությունների, ավելի լավ արդյունքներ կունենանք»․ Սաթիկ Սեյրանյան (տեսանյութ)
103Երեկ, 17:06
«Նիկոլ Փաշինյանը վախկոտ է»․ Էդգար Ղազարյան (տեսանյութ)
95Երեկ, 16:48