Քենիայում կանգնեցրել են Թրամփի արձանը, ներսում` զուգարանակոնք

Քենիայի Մակուենի շրջանում տեղադրվել է ԱՄՆ-ի նոր նախագահ Դոնալդ Թրամփի 4,5 մետրանոց արձանը։ Հուշարձանի ներսում փորված փոս է, վրան՝ զուգարանակոնք:
Տեղացի նկարիչ Դեյվիդ Մեյլուի այս ինստալյացիան յուրօրինակ արձագանք է 2018 թվականին ամերիկացի առաջնորդի կողմից արված սադրիչ դիտողությանը։ այն ժամանակ Թրամփը վրդովմունք էր հայտնել Աֆրիկայից ներգաղթի ալիքի կապակցությամբ՝ մայրցամաքի երկրներն անվանելով կեղտոտ անցքեր։

Ինչպես նշվում է, կոմպոզիցիան նպատակ ունի ուշադրություն հրավիրել սևամորթների նկատմամբ նախապաշարմունքների, խտրականության, ինչպես նաև «սպիտակների գերակայության» թեզի դեմ պայքարի կարևորության վրա։ Հեղինակի կարծիքով՝ իր ստեղծագործությունը անհավասարության հարցի շուրջ երկխոսության կատալիզատոր է լինելու։