«Ուկրաինայի հակամարտությունը դիվանագիտական ծանր աշխատանք է պահանջում»․ Ռուբիո

«Ուկրաինայի հակամարտությունը բարդ խնդիր է, որը պահանջում է դիվանագիտական ծանր աշխատանք»,- այս մասին ABC-ին ասել է ԱՄՆ նորանշանակ պետքարտուղար Մարկո Ռուբիոն՝ պատասխանելով պատերազմը դադարեցնելու՝ Թրամփի նախընտրական խոստման մասին հարցին:

Ռուբիոյի խոսքով՝ հակամարտությունը վնաս է հասցրել ինչպես Ուկրաինային, այնպես էլ Ռուսաստանին, նաև՝ Եվրոպայի կայունությանը։ «Այս խնդիրները լուծելու միակ ճանապարհը պրագմատիզմին վերադառնալն է, բայց պետք է նաև լրջությանը վերադառնալ, իսկ դա դիվանագիտական ծանր աշխատանք է։ ԱՄՆ-ն այստեղ դերակատարում ունի: Մենք աջակցել ենք Ուկրաինային, բայց այս հակամարտությունը պետք է ավարտվի»,- ասել է պետքարտուղարը։

Հիշեցնենք, որ 2023թ․ գարնանը Թրամփն ասել էր՝ վերընտրվելու դեպքում 24 ժամվա ընթացքում կարող է վերջ դնել Ուկրաինայի հակամարտությանը։