Իրանն ու Ադրբեջանը համագործակցության մասին փաստաթուղթ են ստորագրել

469

Հինգշաբթի, 23 հունվարի, 2025 թ., 00:43

Թեհրանում ստորագրվել է Իրանի և Ադրբեջանի միջև համագործակցության մասին փաստաթուղթ։

Իրանի ճանապարհների և քաղաքաշինության նախարարության հաղորդագրության համաձայն, փաստաթուղթը ստորագրել են Իրանի ճանապարհների և քաղաքաշինության նախարար Ֆարզանա Սադիղը և Ադրբեջանի փոխվարչապետ Շահին Մուստաֆաևը։

Համաձայնագրում խոսվում է երկու երկրների հետագա համագործակցության մասին այնպիսի ոլորտներում, ինչպիսիք են տրանսպորտը, մաքսայինը, էներգետիկան (նավթ, գազ, էլեկտրաէներգիա), ջրային ռեսուրսները, արտոնյալ առևտուրը և ներդրումները։

Փաստաթղթի ստորագրումը տեղի է ունեցել Իրանի և Ադրբեջանի համատեղ տնտեսական հանձնաժողովի 16-րդ նիստի շրջանակներում, որը տեղի է ունեցել Թեհրանում։