Քալիֆորնիայում կրկին հրդեհ է բռնկվել

Լոս Անջելեսից հյուսիս հունվարի 22-ի առավոտյան նոր անտառային հրդեհ է բռնկվել՝ այրելով ավելի քան 20 քառակուսի կիլոմետր տարածք։ Ավելի քան 50 հազար մարդ տարհանման հրահանգ է ստացել, հայտնում է AP-ն։

«Փրկարարները մեծ աշխատանք են կատարում՝ փորձելով կանխել հրդեհի տարածումը»,- ասել է Քալիֆորնիայի անտառտնտեսության և հրդեհային պաշտպանության դեպարտամենտի հանձնակատար Ջո Թայլերը:

Հիշեցնենք, որ հունվարի 7-ին Լոս Անջելեսում մոլեգնած անտառային հրդեհները համարվում են նահանգի պատմության մեջ ամենախոշորը։ Հրդեհների ընդհանուր մակերեսը գերազանցել է 16 հազար հեկտարը։ Զոհվել է առնվազն 25 մարդ։