Պաղեստինը մերժում է Գազայի բնակիչների բռնի տեղահանման գաղափարը

Պաղեստինի ղեկավարությունը կտրականապես մերժում է ցանկացած ծրագիր կամ նախագիծ, որն ուղղված է պաղեստինցի ժողովրդին Գազայի հատվածից տեղահանելուն: Այս մասին ասվում է Պաղեստինի նախագահի վարչակազմի կոմյունիկեում։

«Պաղեստինի նախագահությունը կտրականապես մերժում և դատապարտում է ցանկացած ծրագիր կամ նախագիծ, որն ուղղված է պաղեստինցի ժողովրդին Գազայի հատվածից տեղահանելուն, ինչը կարմիր գծերի կոպտագույն խախտում է, որին մենք հետևողականորեն դեմ ենք եղել»,- ասվում է հայտարարության տեքստում:

«Մենք ընդգծում ենք, որ Պաղեստինի ժողովուրդը երբեք չի լքի իր հողը կամ իր սուրբ վայրերը, և թույլ չենք տա 1948 և 1967 թվականների աղետի (Ալ-Նակբա) կրկնությունը: Մեր ժողովուրդը կմնա անդրդվելի և չի լքի իր հայրենիքը»,- ընդգծվում է փաստաթղթում:

Պաղեստինցիները «Ալ-Նակբա» են կոչում 1948 թվականի մայիսի 14-ին Իսրայել պետության հռչակմանը հաջորդած իրադարձությունները, որոնք առաջացրել են պաղեստինցիների զանգվածային արտաքսում իրենց հողերից։ Բացի այդ, Իսրայելը գրավեց Արևելյան Երուսաղեմը, Արևմտյան ափը և Գազայի հատվածը 1967 թվականի վեցօրյա պատերազմից հետո: