Կոլումբիան հետ է ուղարկել ներգաղթյալներ վերադարձնող ամերիկյան ինքնաթիռները

Կոլումբիայի իշխանությունները հրաժարվել են ընդունել ամերիկյան՝ ներգաղթյալներ տեղափոխող երկու ռազմական ինքնաթիռ, հայտնում է Reuters-ը՝ վկայակոչելով ԱՄՆ-ի կառավարության ներկայացուցչին։
Ինքնաթիռներում եղել է մոտ 160 մարդ, որոնց արտաքսում էին ԱՄՆ-ից։ Ինքնաթիռները վերադարձել են ամերիկյան օդանավակայաններ։

Աղբյուրի համաձայն՝ նախկինում ռազմական ինքնաթիռներ չեն օգտագործվել երկրից միգրանտներին տեղափոխելու համար։ Փենթագոնն այս միջոցները ձեռնարկեց այն բանից հետո, երբ ԱՄՆ-ի նախագահ Դոնալդ Թրամփի վարչակազմը արտակարգ դրություն հայտարարեց նահանգի հարավում։
Կոլումբիայի նախագահ Գուստավո Պետրոն դատապարտել է ԱՄՆ-ի իշխանությունների գործողությունները և նշել, որ միգրանտները «իրավունքների սուբյեկտներ» են։ Նա հայտարարել է, որ Կոլումբիայում անօրինական կերպով ԱՄՆ-ի մոտ 15500 քաղաքացի կա։