Հինգշաբթի, 18 սեպտեմբերի, 2025 թ.
|
Ստեփանակերտում`   +15 °C

«ԱՄՆ-ն լիովին հանձնառու է ապահովելու Իսրայելի պաշտպանությունը»․ Փենթագոն

«ԱՄՆ-ն լիովին հանձնառու է ապահովելու Իսրայելի պաշտպանությունը»․ Փենթագոն
843
Երկուշաբթի, 27 հունվարի, 2025 թ., 15:44

ԱՄՆ կառավարությունը նախատեսում է Իսրայելին տրամադրել այն ամենն, ինչ անհրաժեշտ է պաշտպանվելու համար։ Այս մասին Իսրայելի վարչապետ Բենիամին Նեթանյահուի հետ հեռախոսազրույցում հայտարարել է ԱՄՆ պաշտպանության նոր նախարար Փիթ Հեգսեթը։

«Նախագահ Թրամփի ղեկավարությամբ Միացյալ Նահանգները լիովին հանձնառու է ապահովելու, որ Իսրայելն ունենա իրեն պաշտպանելու համար անհրաժեշտ հնարավորությունները»,- ասվում է Փենթագոնի հայտարարության մեջ:

Հիշեցնենք՝ ԱՄՆ նախագահը հաստատել էր, որ չեղարկել է Իսրայելին մոտ 907 կգ (2000 ֆունտ) ռումբերի փոխանցման արգելքը, որը սահմանել էր Ջո Բայդենի վարչակազմը։ Թրամփը պարզաբանել էր, որ ռումբերը «երկար ժամանակ եղել են պահեստներում, իսրայելական կողմը վճարել էր դրանց դիմաց և երկար է սպասել առաքմանը»։