Սիրիայում չեղարկվեց նախկին սահմանադրությունը

Սիրիայի նոր իշխանությունները հայտարարել են, որ 2012 թվականի սահմանադրությունն այլևս չի գործում։ Այս մասին ասվում է ռազմական գործողությունների վարչության (նոր իշխանությունների ղեկավար մարմնի) հայտարարության մեջ:
«2012 թվականի սահմանադրությունը, ինչպես նաև արտակարգ ընթացակարգերով ընդունված բոլոր օրենքները, դադարեցված են»,- ասվում է տեքստում։ Նոր իշխանությունները նաև դեկտեմբերի 8-ը հռչակեցին ազգային տոն՝ ի պատիվ «սիրիական մեծ հեղափոխության հաղթանակի»։