Հինգշաբթի, 18 սեպտեմբերի, 2025 թ.
|
Ստեփանակերտում`   +15 °C

«Ուկրաինան հարյուր տարով հետ է շպրտվել»․ Ռուբիո

«Ուկրաինան հարյուր տարով հետ է շպրտվել»․ Ռուբիո
896
Ուրբաթ, 31 հունվարի, 2025 թ., 13:25

ԱՄՆ պետքարտուղար Մարկո Ռուբիոն անօգուտ է անվանել Ուկրաինայի հետագա ֆինանսավորումը և կոչ է արել բանակցություններ վարել:

Ռուբիոն նշել է, որ Կիևի հարցում հասարակությանը մոլորեցրել են․ «Ինչ-որ կերպ հաջողվել է մարդկանց համոզել, որ Ուկրաինան կարող է ոչ միայն հաղթել, այլև ոչնչացնել Ռուսաստանին և վերադառնալ 2012 կամ 2014 թթ․ սահմաններին։ Արդյունքում՝ վերջին մեկուկես տարվա ընթացքում մեզ խնդրում են ֆինանսավորել փակուղային մի իրավիճակ, որտեղ մարդիկ շարունակում են տառապել»։

Ըստ Ռուբիոյի՝ Ուկրաինան հարյուր տարով հետ է շպրտվել։ «Էներգետիկան ոչնչացվել է, միլիոնավոր քաղաքացիներ լքել են երկիրը և կարող են չվերադառնալ»։

Պետքարտուղարն ընդգծել է, որ պետք է վերջ տալ ձգձգված հակամարտությանը: «Բանակցություններն անհրաժեշտ են, և երկու կողմերն էլ պետք է պատրաստ լինեն զիջումների, դա ժամանակ կպահանջի»,- եզրափակել է նա։