Գոմայի բանտից փախուստի ժամանակ մահացել է մոտ 170 բանտարկյալ

1198

Երկուշաբթի, 03 փետրվարի, 2025 թ., 19:43

Մոտ 170 բանտարկյալ է մահացել արևելյան Կոնգոյի Դեմոկրատական Հանրապետության (ԿԴՀ) Գոմա քաղաքում բանտից զանգվածային փախուստի ժամանակ, երբ փողոցներում մարտեր են ընթանալիս եղել «Մարտի 23-ի շարժում» խմբավորման ապստամբների և Կոնգոյի բանակի ստորաբաժանումների միջև: Այս մասին հայտնում է Կոնգոյի Okapi ռադիոկայանը:

Հունվարի 27-ի փախուստի պահին բանտում, որը գտնվում է արևելյան Գոմայի Մունցենզե թաղամասում, մոտ 4400 բանտարկյալ է եղել։ Անվտանգության աշխատակիցները փորձել են կանգնեցնել փախչողներին՝ կրակ բացելով ու սպանելով մի քանի մարդու։ Դրանից հետո բանտում հրդեհ է բռնկվել, որի հետևանքով զոհվել է ավելի քան 100 բանտարկյալ, հիմնականում՝ կանայք և երեխաներ։ Մնացածներին հաջողվել է փախչել։

Ներկայում Գոմայի կենտրոնական քաղաքային բանտը դատարկ է և հսկողներ չկա, նշում է ռադիոկայանը։

Ապստամբները, Ռուանդայի բանակի աջակցությամբ, հունվարի 26-ի երեկոյան մտել են Գոմա։ Երկու օր անց նրանք վերահսկողության տակ են առել քաղաքի հիմնական մասը և այնտեղ հիմնել իրենց ադմինիստրացիան։ Ինչպես հաղորդում է Okapi-ն, այժմ քաղաք է վերադառնում բնականոն կյանքը, բացվում են շուկաները և խանութները։ Սակայն դպրոցներն ու բուհերը չեն աշխատում։ Բենզինը թանկացել է գրեթե 30%-ով.