Չորեքշաբթի, 12 մարտի, 2025 թ.
|
Ստեփանակերտում`   +13 °C

«Միացյալ Նահանգները պատրաստ է զբաղեցնել Գազայի հատվածը»․ Թրամփ

«Միացյալ Նահանգները պատրաստ է զբաղեցնել Գազայի հատվածը»․ Թրամփ
588
Չորեքշաբթի, 05 փետրվարի, 2025 թ., 10:25

Միացյալ Նահանգները պատրաստ է «զբաղեցնել Գազայի հատվածը», Իսրայելի վարչապետ Բենիամին Նեթանյահուի հետ համատեղ ասուլիսում հայտարարել է Դոնալդ Թրամփը։

«Միացյալ Նահանգները վերահսկողության տակ կվերցնի Գազայի հատվածը: Մենք պատասխանատվություն կստանձնենք վնասազերծելու չպայթած ռազմամթերքը»,- CNN-ի եթերում ասել է նա:

Միացյալ Նահանգները կնպաստի Գազայի հատվածի տնտեսական զարգացմանը, ինչը «կապահովի անսահմանափակ աշխատատեղեր և բնակարաններ», խոստացել է Թրամփը։

Հանրապետականը չի բացառել նաև ամերիկյան զորքերի ներգրավվածությունը:

Նեթանյահուն, մեկնաբանելով ԱՄՆ նախագահի մտադրություններն, ասել է. «Սա կարող է փոխել պատմությունը։ Եվ ես կարծում եմ, որ իսկապես արժե գնալ այդ ճանապարհով»: