Երեքշաբթի, 22 ապրիլի, 2025 թ.
|
Ստեփանակերտում`   +12 °C

Ռուբեն Վարդանյանի և մյուսի հայերի դեմ մեղադրանքները զուտ քաղաքական են․ #bneIntellinews

Ռուբեն Վարդանյանի և մյուսի հայերի դեմ մեղադրանքները զուտ քաղաքական են․ #bneIntellinews
435
Չորեքշաբթի, 05 փետրվարի, 2025 թ., 12:31

Միջազգային bne Intellinews պարբերականն անդրադարձել է Բաքվում ընթացող շինծու դատավարություններին՝ ներկայացնելով միջազգային քրեական իրավունքի մասնագետ, պրոֆեսոր Իրեն Վիկտորիա Մասիմինոյի և Ռուբեն Վարդանյանի որդու՝ Դավիթ Վարդանյանի գնահատականները:

«Ռուբեն Վարդանյանի և մյուսների դեմ առաջադրված մեղադրանքները զուտ քաղաքական են: Հայերի, հատկապես արցախահայերի նկատմամբ հետապնդումների ընդհանուր համատեքստում այդ մեղադրանքները հիմնված են միայն քաղաքական դրդապատճառների վրա։ Դրանք հորինված են Ադրբեջանի կողմից»,- նշել է Մասիմինոն:

Փորձագետը հույս է հայտնել, որ արևմտյան երկրները պատժամիջոցներ կձեռնարկեն, որպեսզի ստիպեն Ալիևի ռեժիմին ազատ արձակել Բաքվում պահվող հայ ռազմագերիներին և Արցախի նախկին ղեկավարությանը:

Ռուբեն Վարդանյանի որդու գնահատմամբ՝ Ադրբեջանը պատշաճ դատավորություն չի ապահովում՝ իր հորն ու մյուսներին զրկելով դատավարությանը նախապատրաստվելու հնարավորությունից։

«Նրանք լիովին անտեսում են թե՛ միջազգային իրավունքը, թե՛ նույնիսկ սեփական օրենքները: Մեզ մնում է միայն փորձել այս կեղծ դատավարությունը հնարավորինս տեսանելի դարձնել հանրության համար»,- նշել է Դավիթ Վարդանյանը:

Կարդացե՛ք նաև