Երեքշաբթի, 22 ապրիլի, 2025 թ.
|
Ստեփանակերտում`   +13 °C

«Գազայում էթնիկ զտումներն անընդունելի են»․ Գուտերեշ

«Գազայում էթնիկ զտումներն անընդունելի են»․ Գուտերեշ
718
Հինգշաբթի, 06 փետրվարի, 2025 թ., 15:56

ՄԱԿ-ի գլխավոր քարտուղար Անտոնիո Գուտերեշը, մեկնաբանելով պաղեստինցիներին վերաբնակեցնելու Թրամփի առաջարկը, հայտարարել է, որ Գազայում էթնիկ զտումներն անընդունելի են։ Այս մասին հայտնում է Reuters-ը։

Ելույթ ունենալով Պաղեստինի ժողովրդի իրավունքների հարցերով հանձնախմբի առաջ՝ Գուտերեշն ուղղակիորեն չի նշել Թրամփի անունը, սակայն շեշտել է՝ «Լուծումներ փնտրելիս մենք չպետք է վատթարացնենք խնդիրը։ Կարևոր է հավատարիմ մնալ միջազգային իրավունքին։ Ցանկացած տեսակի էթնիկ զտումներից խուսափելը հրամայական է»:

ՄԱԿ-ի գլխավոր քարտուղարը հայտարարել է նաև երկու պետությունների սկզբունքին հավատարմությունը վերահաստատելու անհրաժեշտության մասին։

Ավելի վաղ Թուրքիայի արտգործնախարար Հաքան Ֆիդանը հիշեցրել էր, որ պաղեստինյան խնդիրը սկսվել է հենց պաղեստինցիներին իրենց հողերից վտարելուց։

Հիշեցնենք, որ Թրամփը պաղեստինցիներին կոչ էր արել լքել Գազայի հատվածը՝ ասելով, որ Միացյալ Նահանգները պատրաստ է վերահսկողության տակ առնել այդ գոտին և վերակառուցել այն: Նա նաև ասել է, որ չի պատկերացնում՝ ինչպես կարելի է ապրել ամբողջովին ավերված Գազայում:

Կարդացե՛ք նաև