Չորեքշաբթի, 10 հունիսի, 2026 թ.
|
Ստեփանակերտում`   +20 °C

ԱՄՆ-ում USAID-ի վերականգնման պահանջով առաջին հայցն է ներկայացվել . #CNN

ԱՄՆ-ում USAID-ի վերականգնման պահանջով առաջին հայցն է ներկայացվել . #CNN
881
Ուրբաթ, 07 փետրվարի, 2025 թ., 10:08

Ամերիկյան երկու արհմիություններ հայց են ներկայացրել Վաշինգթոնի դաշնային դատարան՝ ԱՄՆ Միջազգային զարգացման գործակալության (USAID) աշխատանքը վերականգնելու պահանջով:

«Այս գործողությունները ստեղծել են գլոբալ հումանիտար ճգնաժամ՝ կտրուկ դադարեցնելով ԱՄՆ ՄԶԳ աշխատակազմի, դրամաշնորհառուների և կապալառուների կարևոր աշխատանքը: Դրանք վտանգի տակ են դրել Միացյալ Նահանգների ազգային անվտանգության շահերը»,- ասվում է փաստաթղթում։

Հայցվորները ներկայացնում են ԱՄՆ ՄԶԳ աշխատակիցներին։ Մեղադրյալների թվում են ԱՄՆ նախագահ Դոնալդ Թրամփը, Պետդեպարտամենտը և նրա ղեկավար Մարկո Ռուբիոն, ֆինանսների նախարարությունը և նրա ղեկավար Սքոթ Բեսենթը, ինչպես նաև հենց ԱՄՆ ՄԶԳ-ն:

Հայցվորների պահանջները կապված են գործակալության աշխատակիցների կրճատումներ հետ, որոնց թիվը հասնում է 13 հազարի։ Ըստ ամերիկյան լրատվամիջոցների՝ սա առաջին հայցն է, որը պահանջում է վերականգնել ՄԶԳ գործունեությունը։