«Կիևը դիտարկում է ԱՄՆ-ի հետ ռազմավարական գործընկերությունը»․ Զելենսկու գրասենյակ

Վլադիմիր Զելենսկու գրասենյակի ղեկավար Անդրեյ Երմակը երկրի բնական ռեսուրսների վերաբերյալ ԱՄՆ-ի հետ հնարավոր գործարքի մասին լուրերի ֆոնին հայտնել է, որ այդ թեման դեռ չի քննարկվում, սակայն Կիևը ցանկանում է ապագայում ռազմավարական գործընկերություն հաստատել Վաշինգթոնի հետ, հայտնում է Associated Press-ը։

«Այս հարցի քննարկման համար շրջանակներ դեռևս չկան, սակայն Ուկրաինան դիտարկում է ԱՄՆ-ի հետ ռազմավարական գործընկերությունը՝ նույնիսկ պատերազմի ավարտից հետո, և դա ԱՄՆ նոր վարչակազմի հետ կապված՝ Զելենսկու ռազմավարության մի մասն է»,- գործակալության փոխանցմամբ՝ ասել է Երմակը։
Երկուշաբթի Թրամփը հայտարարել էր, որ ԱՄՆ-ն ակնկալում է, որ Ուկրաինան երաշխիքներ կտա հազվագյուտ հողային մետաղների մատակարարման համար՝ Վաշինգթոնից ֆինանսական և ռազմական օգնության դիմաց: Իր հերթին, Financial Times թերթը հայտնել էր, որ Կիևը հնարավոր է համարել հազվագյուտ հողային մետաղների տրամադրումը՝ ԱՄՆ օգնության դիմաց։