ՀԱՄԱՍ-ը պատրաստ է Գազայի հատվածի վերահսկողությունը հանձնել Պաղեստինի ազգային իշխանությանը․ #SkyNewsArabia

Պաղեստինյան ՀԱՄԱՍ շարժումը պատրաստակամություն է հայտնել Գազայի հատվածի վերահսկողությունը հանձնել Պաղեստինի ազգային իշխանությանը, հայտնում է Sky News Arabia-ն՝ հղում անելով սեփական աղբյուրին։
«ՀԱՄԱՍ շարժումը Պաղեստինի ազատագրման կազմակերպությանն ուղղված նամակում իր պատրաստակամությունն է հայտնել Գազայի հատվածի վերահսկողությունը փոխանցել Պաղեստինի ինքնավարությանը և կառավարական հանձնաժողովին»,- ասվում է հեռուստաալիքի հայտարարության մեջ։
Ըստ աղբյուրի՝ իշխանությունը Պաղեստինի ազգային վարչակազմին փոխանցելու դիմաց ՀԱՄԱՍ-ը պահանջում է նոր վարչակազմում պահպանել աշխատողների աշխատատեղերը կամ նրանց թոշակի ուղարկել՝ աշխատավարձերի պահպանման երաշխիքներով։

Ավելի վաղ հաղորդվել էր, որ ԱՄՆ-ն անհնար է համարում խաղաղությունը Գազայում, քանի դեռ ՀԱՄԱՍ-ը վերահսկում է անկլավը։

Al Qahera News-ը գրել է նաև, որ մոտակա ժամանակ ՀԱՄԱՍ-ը չի մասնակցի Գազայի կառավարմանը։