Հինգշաբթի, 18 դեկտեմբերի, 2025 թ.
|
Ստեփանակերտում`   -1 °C

«ԵՄ անդամակցություն, մեծ բանակ, ամերիկյան ներդրումներ»․ Զելենսկին թվել է անվտանգության երաշխիքները

«ԵՄ անդամակցություն, մեծ բանակ, ամերիկյան ներդրումներ»․ Զելենսկին թվել է անվտանգության երաշխիքները
546
Երկուշաբթի, 17 փետրվարի, 2025 թ., 13:08

Ուկրաինայի նախագահ Վլադիմիր Զելենսկին NBC-ին տված հարցազրույցում ասել է, որ իր երկրին անհրաժեշտ են անվտանգության երաշխիքներ, որոնք նման են դաշնակիցների կողմից Իսրայելին տրված երաշխիքներին:

Զելենսկին վկայակոչել է Իսրայելի վրա Իրանի անցյալ տարվա հրթիռային հարձակումը, որը հետ մղվեց ԱՄՆ-ի, Ֆրանսիայի, Մեծ Բրիտանիայի և մի շարք այլ երկրների, այդ թվում՝ Հորդանանի կողմից։

«Իսրայելը ՆԱՏՕ-ի անդամ չէ։ Հիանալի է, որ այդ երկրները ոչնչացրել են իրանական հրթիռները։ Սա նշանակում է, որ Իսրայելն ունի անվտանգության կոնկրետ երաշխիքներ դաշնակիցների կողմից։ Կարծում եմ, որ դա մեզ իսկապես անհրաժեշտ է»,- ասել է Ուկրաինայի նախագահը։

Ի թիվս այլ երաշխիքների, Զելենսկին նշել է սպառազինության «հզոր փաթեթը»՝ հրթիռներ, որոնք կտեղակայվեն Ուկրաինայի տարածքում որպես կանխարգելիչ միջոց, և մեծ բանակ, եթե Կիևը չմիանա Հյուսիսատլանտյան դաշինքին:

Բացի այդ, Ուկրաինայի նախագահի խոսքով, երկրին անհրաժեշտ է անդամակցություն Եվրոմիությանը և ամերիկյան ներդրումներ։