«ՌԴ-ի և ԱՄՆ-ի ազգային շահերը երբեք ամբողջությամբ չեն համընկնի»․ Լավրով

Ռուսաստանի և ԱՄՆ-ի միջև սկսվել է տարբեր ոլորտներում հարաբերությունների կարգավորման գործընթաց։ Նման կարծիք է հայտնել արտգործնախարար Սերգեյ Լավրովը։

Նախարարի խոսքով՝ ամերիկյան կողմը բանակցությունների ընթացքում ընդգծել է, որ պետությունների շահերի տարբերությունները չպետք է հանգեցնեն առճակատման։

«ՌԴ-ի և ԱՄՆ-ի ազգային շահերը երբեք ամբողջությամբ չեն համընկնի, բայց երբ շահերը համընկնում են, կողմերը պետք է օգուտ քաղեն դրանից»,- նշել է ՌԴ ԱԳ նախարարը՝ վկայակոչելով ԱՄՆ պետքարտուղար Մարկո Ռուբիոյի խոսքերը, թե նախագահ Դոնալդ Թրամփի վարչակազմը բանակցային գործընթացում հենվում է երկրների ազգային շահերի ճանաչման վրա։