«Պատերազմն Ուկրաինային արժեցել է 320 մլրդ դոլար, որից 120-ը վճարել են ուկրաինացիները, 200-ը՝ ԱՄՆ-ն ու Եվրոպան»․ Զելենսկի

Պատերազմն Ուկրաինային արժեցել է 320 միլիարդ դոլար, որից 120 միլիարդը վճարել են ուկրաինացիները, ևս 200 միլիարդ դոլարը՝ ԱՄՆ-ն ու Եվրոպան։ Այս մասին մամուլի ասուլիսի ժամանակ հայտնել է Ուկրաինայի նախագահ Վլադիմիր Զելենսկին։

«ԱՄՆ-ն մեզ տվել է մոտ 67 միլիարդ դոլարի զենք և 31 միլիարդ դոլար՝ բյուջեի համար նախատեսված ծրագրերի շրջանակներում։ Դա, իհարկե, 500 միլիարդ դոլար չէ, դա լուրջ խոսակցություն չէ»,- հստակեցրել է Զելենսկին՝ հակադարձելով Թրամփի պնդմանը, թե Ուկրաինան պետք է պարզաբանի՝ ո՞ւր են գնացել ԱՄՆ-ի գումարները, կամ՝ վերադարձնի դրանք:

Անդրադառնալով իր վարկանիշի՝ մինչև 4 տոկոս իջնելու մասին Թրամփի հայտարարությանը, Զելենսկին նշել է, որ, ցավոք, Թրամփն ապատեղեկացված է, և իրական սոցհարցումների արդյունքներն այլ բան են ասում։