«Ուրախ ենք, որ Վրաստանն Ուկրաինայի հետ նույն գնացքի մեջ չէ»․ Բոչորիշվիլի

Ուրախ ենք, որ Վրաստանն Ուկրաինայի հետ նույն գնացքի մեջ չէ։ Այդ մասին հայտնել է Վրաստանի արտգործնախարար Մակա Բոչորիշվիլին։

«Մեզ ասում էին, որ ինչ-որ գնացք է արագ անցնում, և եթե բաց թողնենք այն, մեր ժամանակը երբեք չի գա: Մենք անպայման պետք է նստենք այդ գնացքը: Այսօր, կարծում եմ, բոլորս շատ լավ տեսնում ենք՝ արդյո՞ք Վրաստանին ձեռնտու կլիներ լինել այն գնացքում, որով ընթանում է Ուկրաինայի ներկայիս կառավարությունը», - ասել է Բոչորիշվիլին Վրաստանի հանրային հեռուստատեսությանը տված հարցազրույցում:

Արևմուտքի և Վրաստանի հարաբերությունները վատթարացել են 2024 թվականի հոկտեմբերի 26-ին կայացած խորհրդարանական ընտրություններից հետո, որոնց արդյունքում հաղթել է «Վրացական երազանք-Ժողովրդավարական Վրաստան» իշխող կուսակցությունը։ Գործող իշխանությունները մերժել են եվրոինտեգրման ուղին։ Ընդդիմությունը և նախկին նախագահ Սալոմե Զուրաբիշվիլին հրաժարվում են ճանաչել քվեարկության արդյունքները։ Նոյեմբերի 4-ից իշխանության հակառակորդները հանրահավաքներ են անցկացնում՝ պահանջելով կրկնակի ընտրություններ։