«Զելենսկին լեգիտիմ նախագահ է». Մակրոն

Ֆրանսիայի նախագահ Էմանուել Մակրոնն աջակցել է Ուկրաինայի նախագահ Վլադիմիր Զելենսկուն, որին ԱՄՆ նախագահ Դոնալդ Թրամփն ավելի վաղ անվանել էր «բռնապետ՝ առանց ընտրությունների»։ Ֆրանսիայի նախագահն ընդգծել է, որ Զելենսկին լեգիտիմ նախագահ է։

«Ուկրաինայի նախագահն ընտրվել է ազատ ընտրությունների արդյունքում, ինչը չի կարելի ասել Վլադիմիր Պուտինի մասին, ով վաղուց սպանել է իր հակառակորդներին և շահարկել ընտրությունները»,- ասել է Մակրոնը։

Ինչ վերաբերում է ներկա պայմաններում Ուկրաինայում ընտրություններ անցկացնելուն, Մակրոնը նշել է. «Կարծում եք՝ Զելենսկին կարո՞ղ է ընտրություններ կազմակերպել մի երկրում, որտեղից միլիոնավոր ուկրաինացիներ հեռացել են, միլիոնավորներ զորակչվել են ճակատ, և որտեղ տարածքի մի ամբողջ հատված բռնագրավվել է Ռուսաստանի կողմից»:

Ավելի վաղ Մակրոնն ասել էր, որ Ռուսաստանը գոյաբանական սպառնալիք է ներկայացնում եվրոպացիների համար: