«Ուկրաինացի ժողովուրդը պաշտպանեց սեփական պետություն ունենալու իր իրավունքը»․ Զելենսկի

Ուկրաինացի ժողովուրդը պաշտպանեց սեփական պետություն ունենալու իր իրավունքը։ Այս մասին ուղերձ է հրապարակել Ուկրաինայի նախագահ Վլադիմիր Զելենսկին՝ Ուկրաինա ռուսական զորքերի լայնամասշտաբ ներխուժման երրորդ տարելիցի կապակցությամբ։ Երկրի ղեկավարն այդ դժվարին ժամանակահատվածն անվանել է նաև աջակցության, միասնության և օգնության տարիներ։
«Ես հպարտ եմ Ուկրաինայով: Շնորհակալ եմ բոլոր նրանց, ովքեր պաշտպանում են այն և օգնում, բոլորին, ովքեր աշխատում են Ուկրաինայի համար: Հավերժ փառք՝ բոլոր նրանց, ովքեր իրենց կյանքն են տվել մեր պետության ու ժողովրդի համար»,- ասել է նախագահը՝ շնորհակալություն հայտնելով ուկրաինացիները։ Զելենսկին հատուկ շնորհակալություն է հայտնել զինվորներին՝ ցուցաբերած խիզախության համար. «Դուք լավագույնն եք աշխարհում»:

«Երեք տարվա լայնամասշտաբ պատերազմ, դա շատ-շատ է։ Բայց ուկրաինացի ժողովուրդը պաշտպանեց անկախություն, սեփական պետություն ունենալու իր իրավունքը»,- նշել է նա: