Երեքշաբթի, 22 սեպտեմբերի, 2026 թ.
|
Ստեփանակերտում`   +22 °C

«Մենք դեմ չենք ՆԱՏՕ-ին Ուկրաինայի անդամակցությանը, բայց պետք է իրատես լինենք»․ Ֆիդան

«Մենք դեմ չենք ՆԱՏՕ-ին Ուկրաինայի անդամակցությանը, բայց պետք է իրատես լինենք»․ Ֆիդան
861
Երկուշաբթի, 24 փետրվարի, 2025 թ., 17:32

Թուրքիայի արտգործնախարար Հաքան Ֆիդանը հայտարարել է, որ Անկարան պրագմատիկ մոտեցում է ցուցաբերում ՆԱՏՕ-ին Ուկրաինայի հնարավոր անդամակցության հարցում։

«Մենք դեմ չենք, որ Ուկրաինան անդամակցի ՆԱՏՕ-ին, բայց պետք է իրատես լինենք։ Սա նաև նախագահ Ռեջեփ Թայիփ Էրդողանի կողմից հնչեցված պաշտոնական դիրքորոշումն է»,- ընդգծել է նախարարը ամերիկյան Bloomberg հեռուստաալիքին տված հարցազրույցում։

Հարցին, թե արդյոք ԱՄՆ նախագահ Դոնալդ Թրամփը կարող է փոխել ԱՄՆ մոտեցումը Ուկրաինայի՝ դաշինքին անդամակցելու հարցում, Ֆիդանը պատասխանել է՝ «Ես վստահ չեմ, որ նույնիսկ ԱՄՆ նախկին իշխանություններն իսկապես կողմ են եղել Ուկրաինայի անդամակցությանը ՆԱՏՕ-ին։ Ուստի չեմ կարծում, որ այժմ այս հարցում նոր մոտեցում է ի հայտ եկել»,- նշել է նա՝ հավելելով, որ Ուկրաինան դրան ձգտում է սեփական անվտանգությունը երաշխավորելու համար։