ՄԱԿ-ի Գլխավոր ասամբլեան Ուկրաինայի վերաբերյալ երկու բանաձև է ընդունել

Ռուս-ուկրաինական պատերազմի երրորդ տարելիցին ՄԱԿ-ի Գլխավոր ասամբլեան ընդունեց միանգամից երկու բանաձև։ Ռուսաստանի ռազմական ագրեսիան դատապարտող բանաձևի օգտին քվեարկող երկրների թիվը շատ ավելի քիչ էր, քան նախորդ տարիներին։

«Ուկրաինայում համապարփակ, արդար և տևական խաղաղությունը խթանող» բանաձևը պատրաստվել է ԵՄ երկրների և Ուկրաինայի կողմից։

Բանաձևին «կողմ» է քվեարկել 93, «ձեռնպահ»՝ 65, «դեմ»՝ 18 երկիր։ Չինաստանը ձեռնպահ է մնացել քվեարկությունից։

«Խաղաղության ճանապարհը» բանաձեւը ներկայացրել է ԱՄՆ-ն։ Բանաձևին «կողմ» է քվեարկել 92 երկիր, «դեմ»՝ ութը (Բելառուս, Բուրկինա Ֆասո, Կորեայի Հանրապետություն, Մալի, Նիգեր, Նիկարագուա, Ռուսաստան, Սուդան), 73-ը ձեռնպահ են մնացել, այդ թվում՝ Ուկրաինան, Իսրայելը և Չինաստանը։ Միացյալ Նահանգները նույնպես ձեռնպահ մնաց այն բանից հետո, երբ ռուսական ներխուժման վերաբերյալ տեքստում եվրոպական երկրների կողմից փոփոխություններ մտցվեցին։

Միևնույն ժամանակ, ՄԱԿ-ի Գլխավոր ասամբլեան չի սատարել «ուկրաինական ճգնաժամի հիմնական պատճառները վերացնելու անհրաժեշտության մասին» բանաձևի ամերիկյան տարբերակում ՌԴ-ի առաջարկած փոփոխությունը։