Մարսելում պայթյունի առնչությամբ 2 մարդ բերման է ենթարկվել

Մարսելում ի աջակցություն Ուկրաինայի տեղի ունեցող ցույցերի ժամանակ երկու տղամարդ է ձերբակալվել՝ փետրվարի 24-ի առավոտյան ՌԴ գլխավոր հյուպատոսության տարածքում տեղի ունեցած պայթյունի գործով, հայտնում է BFM TV-ն։

Հեռուստաալիքի տվյալներով՝ ձերբակալվածները 48 և 59 տարեկան են։ Նրանցից մեկը կասկածվում է պայթյունի հետ առնչություն ունենալու մեջ, սակայն երկուսն էլ բերման են ենթարկվել։ Նրանց տեսել են հյուպատոսության շենքի մոտ, ինչն արձանագրվել է տեսախցիկների կողմից։

Երկուշաբթի առավոտյան շենքի ճակատային մասում պայթուցիկ սարքեր են նետվել՝ 500 մլ-անոց երեք պլաստիկ շշեր։ Նրանցից երկուսը պայթել են։ Պայթյունների հետեւանքով ոչ ոք չի տուժել։