Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Մատվիենկոն կայցելի Հայաստան` նոր լիցք հաղորդելու ռուս-հայկական հարաբերություններին»․ ՏԱՍՍ

«Մատվիենկոն կայցելի Հայաստան` նոր լիցք հաղորդելու ռուս-հայկական հարաբերություններին»․ ՏԱՍՍ
749
Երեքշաբթի, 25 փետրվարի, 2025 թ., 15:14

ՌԴ Դաշնային խորհրդի նախագահ Վալենտինա Մատվիենկոն պաշտոնական այցով կժամանի Երևան՝ «ռուս-հայկական միջպետական ​​հարաբերություններին նոր լիցք հաղորդելու համար»։ Այս մասին քննարկվել է Դաշնային խորհրդի նախագահի և ՀՀ Ազգային ժողովի նախագահ Ալեն Սիմոնյանի հեռախոսազրույցի ընթացքում, որը տեղի է ունեցել հայկական կողմի նախաձեռնությամբ, ՏԱՍՍ-ի փոխանցմամբ՝ հայտնում է ՌԴ խորհրդարանի վերին պալատի մամուլի ծառայությունը։

«Քննարկվել են Երևան կատարելիք պաշտոնական այցի մանրամասները՝ ռուս-հայկական միջպետական ​​հարաբերություններին նոր լիցք հաղորդելու անհրաժեշտության լույսի ներքո»,- ասված է Դաշնության խորհրդի մամուլի ծառայության տարածած հաղորդագրության մեջ։

Մատվիենկոյի խոսքով՝ «այցը պետք է հանգամանալից նախապատրաստվի»։

Այցի ժամկետները չեն հաղորդվում։