«ԱՄՆ-ն ներկայումս պաշտպանական օգնություն չի տրամադրում Կիևին»․ Թրամփ

Միացյալ Նահանգները ներկայումս ոչ մի պաշտպանական օգնություն չի ցուցաբերում Ուկրաինային, Սպիտակ տանը լրագրողներին ասել է ԱՄՆ նախագահ Դոնալդ Թրամփը։

«Հիմա մենք ոչինչ չենք տրամադրում»,- ասել է Թրամփը։

Նրա խոսքով՝ Կիեւը պետք է որ բավականաչափ զենք ունենա մարտական ​​գործողություններ իրականացնելու համար՝ մինչև ԱՄՆ-ն ու Ռուսաստանը հակամարտության

լուծման հարցում համաձայնության հասնեն։

Թրամփի երդմնակալությունից ի վեր Վաշինգթոնը չի հայտարարել Ուկրաինային ռազմական օգնության նոր փաթեթների մասին: Ուկրաինայի նախագահ Վլադիմիր Զելենսկին խոստովանել էր, որ ԱՄՆ-ի աջակցության չեղարկումը զգալիորեն կբարդացնի իրավիճակը ռուս-ուկրաինական հակամարտության գոտում։