Սուդանում ինքնաթիռի կործանման հետևանքով 19 մարդ է զոհվել

1834

Չորեքշաբթի, 26 փետրվարի, 2025 թ., 11:38

Սուդանի Խարտում նահանգի Օմդուրման քաղաքում ռազմական ինքնաթիռի կործանման հետևանքով առնվազն 19 մարդ է զոհվել։

ՏԱՍՍ-ի փոխանցմամբ, այս մասին հայտնում է Al Arabiya հեռուստաալիքը։

Միջադեպի պատճառը տեխնիկական անսարքությունն էր։ Վթարի զոհերի թվում էին անձնակազմի անդամները և ինքնաթիռում ներկա զինվորականները, ինչպես նաև քաղաքացիական անձինք, ովքեր գտնվել են այն բնակելի շենքում, որի վրա փլվել է ինքնաթիռը: Փրկարարները շարունակում են աշխատել վթարի վայրում։

Նշվում է, որ զոհվածների թվում է Սուդանում հայտնի բրիգադային գեներալ, Խարտումի ռազմական շրջանի նախկին հրամանատար Բահար Ահմեդը։