ՀԱՄԱՍ-ն ու Իսրայելը համաձայնության են եկել հետաձգված փոխանակման շուրջ

Պաղեստինյան ՀԱՄԱՍ խմբավորումը հայտարարել է, որ համաձայնության է եկել Իսրայելի հետ՝ մի խումբ պաղեստինցի բանտարկյալների փոխանակման շուրջ, որոնք պետք է ազատ արձակվեին փետրվարի 22-ին: Այս մասին հայտնում է Times of Israel-ը՝ վկայակոչելով խմբավորման հայտարարությունը։

«Պայմանավորվածություն է ձեռք բերվել լուծելու պաղեստինցի բանտարկյալների ազատ արձակման հետաձգման հետ կապված հարցը, որոնք պետք է ազատ արձակվեին վերջին խմբի կազմում»,- ասվում է հաղորդագրության մեջ։

Փոխանցումը տեղի կունենա Եգիպտոսի տարածքով՝ փետրվարի 26-ին, հայտնել է հրատարակության աղբյուրը։