«Հյուսիսային Կորեան համալրում է ուղարկել Կուրսկի շրջան». Հարավկորեական հետախուզություն

Հարավկորեական հետախուզությունը հայտարարել է, որ փետրվարի սկզբին Հյուսիսային Կորեան զորակազմ էր ուղարկել Կուրսկի շրջան, որտեղ նրանք կռվել են Ռուսաստանի կողմից և լուրջ կորուստներ կրել, Ulysmedia.kz-ի փոխանցմամբ՝ գրում է կորեական մամուլը։ Զինծառայողների հստակ թիվը չի նշվում։

«Այս տարվա հունվարին և փետրվարին մոտավորապես 1000-ից 3000 հյուսիսկորեացի զինծառայողներ ռուսական նավերով և ռազմական ինքնաթիռներով տեղափոխվել են Կուրսկի շրջան»,- իր աղբյուրների խոսքերն է մեջբերում լրատվամիջոցը։
Համալրումն ընդգրկում էր մոտոհրաձգային, հետախուզական ստորաբաժանումներ, սակրավորներ, որոնք հոկտեմբերին ուղարկված զորակազմում չեն եղել, գրում է BBC-ն։

Ըստ ուկրաինական ռազմական և հարավկորեական հետախուզության հայտարարությունների՝ ընդհանուր առմամբ, Հյուսիսային Կորեայի մոտ 11000-անոց զորախումբը լուրջ կորուստներ էր կրել Կուրսկի շրջանում՝ մինչև չորս հազար զոհ և վիրավոր, և հունվարի կեսերին դուրս է բերվել ռազմաճակատից։

Հիշեցնենք, որ ավելի վաղ Սեուլը հայտարարել էր, որ ԿԺԴՀ զինվորականները հունվարի կեսերից չեն մասնակցում Ուկրաինայում ռազմական գործողություններին։