«Ֆրանսիան ցանկանում է մասնակցել ԱՄՆ-Ուկրաինա բանակցություններին»․ Ֆրանսիայի ՊՆ

Ֆրանսիան ցանկանում է մասնակցել ուկրաինական հակամարտության կարգավորմանն առնչվող հանքային ռեսուրսների վերաբերյալ ԱՄՆ-Ուկրաինա բանակցություններին, ասել է պաշտպանության նախարար Սեբաստիեն Լեկորնուն։
«Անհրաժեշտ է, որ ԱՄՆ-ի և Ուկրաինայի միջև այս համաձայնագիրը կնքվի: Բայց պետք է իմանաք, որ ես իմ ուկրաինացի պաշտոնակցի հետ քննարկում եմ պաշտպանության ոլորտում ունեցած մեր կարիքները: Մենք փոխհատուցում չենք փնտրում: Բայց մեր պաշտպանական համակարգին անհրաժեշտ են ռեսուրսներ, որոնք առանցքային կլինեն մեր սպառազինության համակարգի համար ոչ միայն առաջիկա տարիներին, այլ նաև 30-40 տարի հետո։ Ֆրանսիայի նախագահ Էմանուել Մակրոնին խնդրեցի, որ մենք նույնպես քննարկումներ ունենանք ուկրաինացիների հետ»,- Franceinfo ռադիոկայանի եթերում ասել է Լեկորնուն՝ մեկնաբանելով Ուկրաինայի և ԱՄՆ-ի միջև հանքային պաշարների մասին համաձայնագիրը։

Ավելի վաղ Ուկրաինայի նախագահ Զելենսկին հայտարարել էր, որ բնական ռեսուրսների վերաբերյալ ԱՄՆ-ի հետ շրջանակային համաձայնագիր է ձեռք բերվել։ Համաձայնագրի վերջին տարբերակը նաև անվտանգության երաշխիքների վերաբերյալ հիշատակում է պարունակում։