Իգոր Տիտովը նշանակվել է Գյումրիում ՌԴ գլխավոր հյուպատոս

ՌԴ արտաքին գործերի նախարարության հրամանով Իգոր Բորիսովիչ Տիտովը նշանակվել է Գյումրի քաղաքում Ռուսաստանի Դաշնության գլխավոր հյուպատոս։

«Տիտովը 2019-2023թթ․ ղեկավարել է Ճապոնիայում Ռոսսոտրուդնիչեստվոյի ներկայացուցչությունը, 2023-2024թթ. «Ռուսաստան-Ճապոնիա հասարակություն» համառուսաստանյան հասարակական կազմակերպության փոխնախագահն էր, 2024-2025թթ.՝ Կապանում Ռուսաստանի գլխավոր հյուպատոսության բացման առաջնային խմբի ղեկավարը», հայտնում է ՌԴ ԱԳՆ-ն։
Հիշեցնենք, որ Գյումրիում ՌԴ նախկին գլխավոր հյուպատոս Ռուսլան Կանդաուրովը մահացել էր 2024-ի նոյեմբերի 8-ին։