«Ուկրաինայի համար լավ արդյունքի հասնելը կենսական նշանակություն ունի». Քիր Սթարմեր. ՈՒՂԻՂ ՄԻԱՑՈՒՄ

Լոնդոնի «Լանկասթեր Հաուսում» ընթացող գագաթնաժողովին Մեծ Բրիտանիայի վարչապետ Քիր Սթարմերը դիմել է եվրոպացի առաջնորդներին. «Մենք այսօր այստեղ ենք, քանի որ սա մի պահ է, որն ամեն սերնդի կյանքում մեկ անգամ է լինում: Այստեղ ենք հանուն Եվրոպայի անվտանգության: Բոլորս պետք է առաջ շարժվենք»,- ասել է Մեծ Բրիտանիայի վարչապետը:

Ուկրաինայի համար լավ արդյունքի հասնելը «կենսական նշանակություն ունի այստեղի յուրաքանչյուր պետության և շատ այլ երկրների անվտանգության համար», հավելել է նա։

Գագաթնաժողովից քիչ առաջ Սթարմերը զրուցել է Էստոնիայի նախագահ Ալար Կարիսի, Լատվիայի վարչապետ Էվիկա Սիլյայի և Լիտվայի նախագահ Գիտանաս Նաուսեդայի հետ։

«Նրանք բոլորը համակարծիք են եղել, որ Եվրոպան պետք է համախմբվի և շտապ քայլեր ձեռնարկի հնարավոր լավագույն արդյունքի հասնելու համար, ինչը կենսական նշանակություն կունենա Եվրոպայի ապագա անվտանգության համար»,- ասվում է Դաունինգ Սթրիթի (Բրիտանական վարչապետների նստավայրը) հայտարարության մեջ:

Սթարմերը պատմել է իր զրուցակիցներին Վլադիմիր Զելենսկու, Դոնալդ Թրամփի և Էմանուել Մակրոնի հետ ունեցած վերջին զրույցների մասին։