Ռուբեն Վարդանյանի ընտանիքի փաստաբանը ներկայացրել է՝ ինչ պետք է անի Նիկոլ Փաշինյանը

852

Երեքշաբթի, 04 մարտի, 2025 թ., 11:56

Ռուբեն Վարդանյանի ընտանիքի փաստաբան Ջարեդ Գենսերն X-ի իր էջում կոչ է արել ՀՀ իշխանություններին՝ ավելի ակտիվ ներգրավվել Բաքվի բանտերից գերիների ազատ արձակման գործում և ներկայացրել, թե ինչ կարող է անել Փաշինյանը՝

Բանտարկյալների ազատ արձակումը հայտարարել որպես առաջնահերթություն, հրավիրել ասուլիս, հոդված գրել առաջատար հրատարակություններում։
Հանդիպել բանտարկյալների ընտանիքների հետ, ԿԽՄԿ-ին և ԵԱՀԿ-ին խնդրել դիտորդներ ուղարկել «դատավարություններին» մասնակցելու համար։
Բաքվում դեսպանատներ ունեցող դաշնակից երկրներին կոչ անել՝ ուղարկել իրենց ներկայացուցիչներին «դատավարություններին» և խնդրել Բաքվին՝ թույլ տալ հայ դիտորդների մասնակցությունը։
Բանագնաց ուղարկել Բաքու՝ բանակցությունների հումանիտար խողովակ հաստատելու համար։
Կապ հաստատել ԱՄՆ նախագահի և պետքարտուղարի, Ֆրանսիայի և ԵՄ ղեկավարների հետ։
Շարունակել հարցի քննությունը Արդարադատության միջազգային դատարանում և Մարդու իրավունքների եվրոպական դատարանում, ՄՔԴ դատախազին խնդրել հետաքննություն սկսել Լեռնային Ղարաբաղից Հայաստան 120,000 հայերի արտաքսման գործով։
Դիմել ՄԱԿ-ի գլխավոր քարտուղարին և ՄԱԿ-ի Մարդու իրավունքների գերագույն հանձնակատարին՝ խնդրելով օգնել ազատ արձակել բանտարկյալներին»: