«Մինսկը բանակցությունների համար լավագույն վայրը կլիներ, բայց դա չի քննարկվել»․ Պեսկով

Մինսկում Վլադիմիր Պուտինի, Դոնալդ Թրամփի և Վլադիմիր Զելենսկու հանդիպման հնարավորությունը դեռ չի քննարկվել, սակայն Մոսկվայի համար Բելառուսի մայրաքաղաքը բանակցությունների լավագույն վայրը կլիներ։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

«Այդ հարցը ոչ մի կերպ չի քննարկվել: Բայց, իհարկե, մեզ համար Մինսկը լավագույն վայրն է: Բելառուսը մեր հիմնական դաշնակիցն է: Հետևաբար, մեզ համար դա լավագույն տեղը կլիներ բանակցությունների համար»,- ասել է Կրեմլի խոսնակը՝ պատասխանելով հարցին, թե որքանով է հավանական Մինսկում բանակցություններ վարելու տարբերակը:

Հիշեցնենք, որ Բելառուսի նախագահ Ալեքսանդր Լուկաշենկոն ավելի վաղ հայտնել էր, որ ուկրաիանական կարգավորման շուրջ բանակցությունների համար պատրաստ է Մինսկում հյուրընկալել Թրամփին, Պուտինին և Զելենսկուն, եթե նրանք այդպիսի ցանկություն ունեն։